Avkal Sameekaran aur Jyamiti (Differential Equations and Geometry) Hindi | B.A./B.Sc. First Year Major-3 | NEP 2020 Madhya Pradesh | Vedic Jyamiti, Hal Prashn Patra, MCQs | Dr. H.K. Pathak

Hindi madhyam ke chhatron ke liye Major-3 do vajah se mushkil hai. Ek, Shanku (Cone) evam Belan (Cylinder), Clairaut Sameekaran aur Lambkonik Prakshep-path jaise topics Hindi mein theek se likhe hue lagbhag milte hi nahi. Do, Unit-I mein Vedic Jyamiti hai - triplets, unka yog evam antar, dwigunit kon evam ardh kon ke triplets - jiske baare mein kisi bhi rashtriya pustak mein ek shabd nahi hai. Ye pustak in dono kamiyon ke liye likhi gayi hai.

Unit-I Bhartiya Gyan Parampara par hai: Avkal Sameekaran ka aitihasik prishthbhumi evam Aryabhata, Bhaskaracharya tatha Madhava ka yogdan; Prachin Jyamiti evam Shulb Sutra; Jyamiti mein Baudhayana, Katyayana, Nilkanth Somayaji, Parameshwaran evam Shankar Variyar ka yogdan; aur Vedic Jyamiti ke triplets. Poore 10 lectures.

Aage syllabus ke kram mein - Rekhiya evam Yatharth (Exact) Avkal Sameekaran, Pratham Koti evam Uchch Ghat ke Sameekaran, Clairaut Sameekaran, Vishisht Hal evam Lambkonik Prakshep-path; Achar Guankon wale Rekhiya Sameekaran, Samghati Sadharan Avkal Sameekaran evam Dwitiya Koti ke Rekhiya Sameekaran; Prachalon ke Vichran ki Vidhi evam Pratham Koti ke Yugpat Sameekaran; Dwitiya Ghat ka Vyapak Sameekaran, Shankuon ka Anulekhan evam Nikay, Dhruviya Sameekaran; aur Shanku evam Belan - Janak Rekhaayein, teen paraspar lamb Janak Rekhaon ki shart, Lamb Vrattiya Shanku, Lamb Vrattiya Belan tatha Aavaran Belan.

Case Study module - Audyogik Anuprayog - bhi shamil hai: udyog, vyapar evam arthashastra mein Avkal Sameekaran evam Jyamiti ka prayog.

Har adhyay mein kram se kathin hote hue hal kiye gaye udaharan, MCQ, Vastunishth Prashn evam HOTS prashn diye gaye hain.

Lekhak Dr. H.K. Pathak, Ex-Professor evam Adhyaksh, Ganit Adhyayan Shala, Pt. Ravishankar Shukla Vishwavidyalaya, Raipur evam poorv Dean of Science hain; unke shodh 3,300 se adhik baar udhrit hain. Vikram Ujjain, DAVV Indore, Jiwaji Gwalior, RDVV Jabalpur, Barkatullah Bhopal, Dr. Harisingh Gour Sagar evam APS Rewa ke liye. 476 prishth.