Kalan aur Sadish Vishleshan (Calculus and Vector Analysis) Hindi | B.A./B.Sc. First Year Major-2 | NEP 2020 Syllabus of All Madhya Pradesh Universities | Hal Prashn Patra, MCQs | Dr. H.K. Pathak

Hindi madhyam ke chhatron ke liye Major-2 sabse mushkil paper hai - isliye nahi ki vishay kathin hai, balki isliye ki samagri Hindi mein milti hi nahi. Gradient, Divergence evam Curl, Gauss-Green-Stoke Prameya, Frenet-Seret Sutra, Vakrata aur Aiathan, Asymptotes, Vakra Anulekhan - in par Hindi mein theek se likhi gayi samagri lagbhag nahi hai. Chhatra ya to do panne padhkar reh jata hai, ya angrezi kitaab kharidne par majboor hota hai. Ye pustak isi kami ke liye likhi gayi hai.

Unit-I Vedic Kalan par hai - Aryabhata, Madhava evam Jyeshthadeva ka yogdan, aur ve sutra jo aapke syllabus mein naam se diye gaye hain: Dhvaja Ghata Sutra se avkalan, Urdhva-Triyagbhyam Sutra se kramik avkalan evam do bahupadon ke bhagfal ka avkalaj, Ekadhikena Purvena Sutra se samakalan, Paravartya Yoja Sutra se aanshik bhinn dwara samakalan, evam vakra ke antargat kshetrafal ka Vedic tarika. Ye poore 10 lectures hain aur kisi rashtriya kitaab mein nahi milte.

Aage syllabus ke kram mein - Leibnitz Prameya, Maclaurin evam Taylor shreni, aanshik avkalaj, Asymptotes; Vakrata, Nati Bindu evam Bahubindu, Vakra Anulekhan; Samakalan mein Reduction Formulae, Kshetrafal, Vakra Lambai evam Aayatan-Prishth; Sadish Avkalan, Gradient, Divergence, Curl evam Sadish Sarvasamikaayein; phir Sadish Samakalan, Gauss, Green evam Stoke Prameya, Vakrata evam Aiathan, aur Frenet-Seret Sutra.

Case Study module - Audyogik Anuprayog - bhi shamil hai.

Har adhyay mein hal kiye gaye udaharan, MCQ, Vastunishth Prashn aur HOTS prashn hain, evam pichhle varshon ke prashn patra poore hal ke saath.

Lekhak Dr. H.K. Pathak, Ex-Professor evam Adhyaksh, Ganit Adhyayan Shala, Pt. Ravishankar Shukla Vishwavidyalaya, Raipur evam poorv Dean of Science hain; unke shodh 3,300 se adhik baar udhrit hain. Vikram Ujjain, DAVV Indore, Jiwaji Gwalior, RDVV Jabalpur, Barkatullah Bhopal, Dr. Harisingh Gour Sagar evam APS Rewa ke chhatron dwara padhi jaati hai.

640 prishth. Angrezi sanskaran: Calculus and Vector Analysis.